Header Ads

كيف تصبح #مليونير من تصميم وبرمجة المواقع الاليكترونية.

السلام عليكم ورحمة الله وبركاتة

اهلا ومرحبا بكم متابعينا ومتابعين مدونه ايجي جيك | EgyGeek في موضوع جديد علي المدونه


كيف تصبح #مليونير من تصميم وبرمجة المواقع الاليكترونيه 

قبل ما اقول اي حاجه حاول تعمل شير للمقال عشان اكبر عدد ممكن من الناس يستفادو.

طيب دلوقتي انا هقولك علي حكايه 2 من باكستان 
واخد بالك من باكستان مش من المريخ ولا من كوكب تاني

الاتنين دول هم Muhammad Haris و صديقه Luke Beck الاتنين دول اتعرفو علي بعض علي موقع ThemeForest هم الاتين شغالين مصممين ومطورين مواقع 
اشتغلو مع بعض وعملو Team علي الموقع وسموه ThemeFusion بعدين عملو WordPress Theme اسمه Avada تمام يا سيدي 

هتقولي طيب وايه موقع ThemeForest وايه الـWordPress دا ؟؟

هقولك ThemeForest دا يا سيدي اشهر متجر اليكتروني بيخش عليه مصممين ومطورين المواقع ويعرضو عليه شغلهم زي قوالب الـWordPress, Joomla وبالتالي ناس وشركات بتدخل عليه بردو تشتري شغل تمام .
ودا لينك الموقع : https://goo.gl/8RlwQf

 اما بقي الـWordPress : دة اشهر CMS  نظام ادارة محتوي في العالم حاليا بتستخدمة 21% من مواقع الانترنت و نقصد بنظام ادارة محتوي هو البرنامج اللى بتستخدمة من غير ما يكون عندك اى فكرة عن البرمجة او التصميم عشان تدير موقعك الاليكتروني بسهولة والوردبريس دا متبرمج بلغة PHP.

نيجي بقي نعرف محمد حارس وصاحبه دول عملو ايه دول يا سيدي عملو Theme اسمه Avada  وعرضوه للبيع في المتجر بسعر 60$ الـTheme اللي عملو دا كسبهم ملاين 
هتقولي ازاي هقولك تعالي احسب معايا الحسبه البسيطه دي 

الـTheme دا تمنه 60$ واتباع حتي الان اثناء كتابة المقال 256,234 مره !! متخيلين :O :O حوالي 500 واحد بيشتري الـTheme دا يوميا يعني بيكسبو حوالي 30 الف دولار يوميا !!

طيب الـTheme دا كسبهم قد ايه لحد دلوقتي هقولك انا 60$ * 256,234 = 15,374,040$

اكثر من 15 مليون دولار !!! :O :O يعني بالمصري حوالي 200 مليون جنيه مصري !!! :O 
وكل دا من WordPress Theme واحد بس 

مش هقولك ان الموضوع سهل واي حد يقدر يبقي مليونير من تصميم وتطوير المواقع لا الموضوع صعب جدا 

الاول كدا عاوزك تخش تشوف الـTheme بتاعهم دا اللي اسمه Avada علي موقع الـThemeForest خش شوف الثيم دا عامل ازاي !
من هنا : https://goo.gl/K2zD7S

بعد ما شفت الـTheme اللي هم عاملينه دا عامل ازاي قولي بقي الموضوع سهل ولا صعب ؟
الموضوع هيكون سهل جدا لو انت مجتهد وبتحب تطور من نفسك ودايما مطلع علي كل ما هو جديد في مجالك ومش بتيأس ولا بتستسلم للعقبات اللي بتيجي في طريقك 
وبردو الموضوع صعب جدا للناس الكسوله اللي بتكتفي بالمعلومه والخبرات اللي عندها وبتياس بسرعه 

موضوع الاصرار دا مهم جدا لانك اصلا اول ما تيجي تقدم شغلك علي الـThemeForest احب اقولك انك هيطلع عينك علي ما يقبلوه وهيترفض اكتر من مره قبل ما يقبلوه سواء هيترفض Hard Rejected او Soft Rejected 

هتقولي طيب انا اضمن منين ان شغلي او الـTheme اللي انا اقدمه للموقع يتقبل 
بص يا سيدي دا مقال علي اكاديميه حسوب بيشرح بعض النصايح لقبولك شغلك علي الموقع 
من هنا : https://goo.gl/pZm1yz

ودا بوست لواحد بيقولك تجربته مع الموقع وبيديك بعض النصايح 
من هنا : https://goo.gl/74A7ua

طيب هتقولي انا محتاج اكون عارف ايه عشان اقدر اعمل حاجه زي Avada دا او اني اقدر اعمل شغل نضيف 

بص يا سيدي انت لازم تكون عارف الحاجات دي كويس اوي 
HTML5 , CSS3 , JavaScript , jQuery , Bootstrap , PHP , MySql , WordPress

طيب انا اتعلم كل دا منين ؟ بص يا بشمهندس ان شاء الله هينزل مقالين علي الصفحه 

1 - كيف تصبح Web Designer محترف 
2 - كيف تصبح Web Developer محترف 

وان شاء الله المقالين دول هيخلوك محترف بمعني الكلمه وهيخلوك قادر انك تعمل شغل زي Avada دا بس لحد ما المقالين دول يتكتبو وينزلو دا من افضل كورسات udemy في مجال الويب وهو دلوقتي تمنه $45 بس بعد اضافه الكوبون بقي مجاني بالكامل فا الحق سجل فيه عشان يتضاف لكورساتك علي الموقع وتقدر تسمعه في اي وقت 

The Complete Web Developer Masterclass: Beginner To Advanced

الكورس بيشرح حاجات كتير جدا ومكون من حوالي 316 فيديو ويحتوي علي

HTML & CSS
HTML5 and CSS3
HTML5 Canvas
Bootstrap 
JavaScript
jQuery 
PHP & MySQL 
AJAX 
Web Hosting
Wordpress 
NodeJS 
AngularJS 

يعني ان شاء الله دا فيه كل اللي هتحتاجه عشان تقدر تعمل WordPress Theme بس طبعا دا مش كافي انه يخليك محترف لا دا حاجه بسيطه بس علي ما المقالين التانين يتكتبو

رابط الكورس : https://goo.gl/VmSZgv 

ودا بقي يعتبر حليا افضل كورس في الـWordPress علي موقع Udemy 

WordPress Theme Development with Bootstrap 

الكورس دا بيتكون من 83 درس وحوالي 12 ساعه شرح 
انا اتفرجت علي الكورس دا بصراحه رهيييييييب وهيفيدكو جدا 

رابط التحميل : https://goo.gl/Cfq5mq

وبردو البسمهندس اسامه الزيرو شغال حاليا علي كورس Mastering WordPres وان شاء الله اول ما ينزله علي قناته هبقي احط الرابط بتاعه هنا 
ودي قناه البشمهندس عشان تستفادو منها 
من هنا : https://goo.gl/u9bgq6

فا لو انت عاوز تشتغل علي الموقع وتبيع عليه Themes لازم متيأسش ولازم تحاول مره واتنين وعشره انك تقدم Theme نضيف وابن ناس عشان يتقبل ولو متقبلش تعدل عليه وتبعته تاني لحد ما بأذن الله يتقبل وخليك فاكر ان محمد حارس وصاحبه معملوش دا في يوم وليله لا بالعكس دا الموضوع دا كان محتاج منهم خبره كبيره جدا في المجال فا خليك مصمم ومركز علي حلمك واوعي تيأس

بس بردو هقولك ان لو اتقبلك Theme فا دا نص المشوار مش اكتر 
طبعا انت دخلت علي الينك اللي فوق بتاع Avada وشفته عامل ازاي 
تقريبا الثيم دا فيه كل حاجه واي حد عاوز يعمل موقع هيروح يشتري الثيم دا لانه فيه اكتر من نسخه يعني فيه Avada Hotel و Avada Hosting و Avada Low و Avada Travel و Fashion و Cafe و Gym وتقريبا كل حاجه 

يعني انا لو عاوز اعمل موقع لجيم او لمحامي او لفندق او لشركة سياحه هروح اشتري نفس الثيم دا 
يعني Avada Theme دا فيه اكتر من نسخه جواه ولاكتر من مجال يعني انت كدا بتديله نطاق اكبر يتباع فيه 
وطبعا مش سهل انك تعمل ثيم وردبريس زي دا طبعا دا اخد وقت وجهد واصرار وعزيمه وطاقه كتيره جدا عشان يطلعو التحفه الفنيه دي 

في النهايه احب اعرفك ان اللي محمد حارس وصاحبه عملو دا مش مستحيل دا بس محتاج انك تتعب وتكون مصر ومصمم علي بلوغ هدفك 

بالنسبه بقي للناس الي لسه ميعرفوش اي حاجه في عالم تصميم وتطوير المواقع فا ان شاء الله دول ليهم مقالين جاين عشان يبقو محترفين تصميم وبرمجه مواقع علي الصفحه EgyGeek - ايجي جيك 
فا لو انت مهتم او حابب انك تدخل مجال تصميم وتطوير المواقع الاليكترونيه تابع الصفحه عشان يوصلك المقالات بتاعتها.

#شير_في_الخير #عافر 
#ازاي_تبقي_مليونير
#اتعلم #ملكش_حجه 


EgyGeek - ايجي جيك​

اذا اعجبك المقال واستفدت منه فلا تبخل علينا بعمل مشاركه للمقال ولايك لصفحتنا علي الفيس بوك واشتراك في قناتنا علي اليوتيوب ليصلك كل ما هو جديد من المدونه من مقالات وحلقات

ليست هناك تعليقات

يتم التشغيل بواسطة Blogger.